Հայաստանի և Ադրբեջանի միջև խաղաղության պայմանագիրը կարող է ստորագրվել «Նոր տարուց կարճ ժամանակ անց»․ «Կոմերսանտ»
ՔԱՂԱՔԱԿԱՆՈՒԹՅՈՒՆ
Հայաստանի վարչապետ Նիկոլ Փաշինյանը երկօրյա այցով ժամանել է Ռուսաստան, որի ընթացքում երեքշաբթի օրը Սանկտ Պետերբուրգում ԱՊՀ ոչ պաշտոնական գագաթնաժողովում սեղմել է Ադրբեջանի նախագահ Իլհամ Ալիևի ձեռքը։
«Կոմերսանտ» թերթի աղբյուրների տվյալներով՝ կողմերը շարունակում են ակտիվ աշխատանքը խաղաղության պայմանագրի շուրջ, որը կարող է ստորագրվել «Ամանորից կարճ ժամանակ անց»:
Տարեվերջին, չնայած Հարավային Կովկասի բանակցային գործընթացի մշտական հետընթացին և դադարներին, Սանկտ Պետերբուրգում կայացած ԱՊՀ գագաթնաժողովից առաջ Նիկոլ Փաշինյանն ու Իլհամ Ալիևը ավելի քան երբևէ մոտ էին խաղաղության պայմանագիր ստորագրելուն և վերջակետ դնելուն 30-ամյա հակամարտությանը:
«Ի տարբերություն նախորդ բոլոր հանդիպումների, իսկ անցնող տարում դրանք հինգն էին, Սանկտ Պետերբուրգում ներկայիս շփումն առաջինն էր այն բանից հետո, երբ սեպտեմբերին Լեռնային Ղարաբաղի Հանրապետությունը դադարեց գոյություն ունենալ Ադրբեջանի կողմից մեկօրյա ռազմական գործողությունից հետո»,- գրում է «Կոմերսանտ»-ը։
