«Բավարիան» բանակցում է Էրիկ Դայերի հետ

Գերմանիայի չեմպիոն Մյունխենի «Բավարիան» բանակցում է Լոնդոնի «Տոտենհեմի» 29-ամյա պաշտպան Էրիկ Դայերի հետ եւ մոտ է նրա տրանսֆերին, հաղորդում է The Standard-ը։

Անգլիացի ֆուտբոլիստի պայմանագիրը «Տոտենհեմի» հետ նախատեսված է մինչեւ այս մրցաշրջանի ավարտը։ Այս հանգամանքի շնորհիվ, «Բավարիան» հույս ունի ցածր գնով իրականացնել Դայերի տրանսֆերը։

Transfermarkt-ը Դայերի տրանսֆերային արժեքը գնահատում է 12 միլիոն եվրո։

Դայերը 2014-ին է տեղափոխվել «Տոտենհեմ» պորտուգալական «Սպորտինգից»։