Իսրայելի հետ պատերազմում վերջին 3 ամսվա ընթացքում ավելի քան 23 հազար պաղեստինցի է զոհվել

2023 թվականի հոկտեմբերի 7-ին հակամարտության սրման սկզբից ի վեր Գազայի հատվածում պաղեստինցիների զոհերի թիվը գերազանցել է 23 հազարը։ Այս մասին հայտնում է Գազայի հատվածի առողջապահության նախարարությունը։

Զեկույցի համաձայն՝ Իսրայելի հետ հակամարտությունից զոհվածների թիվը հասել է 23 084-ի, իսկ տուժածների ընդհանուր թիվը մինչ այժմ կազմում է 58 926։

Վերջին 24 ժամվա ընթացքում զոհվել է 249 մարդ, ևս 510-ը՝ վիրավորվել։