Արտակարգ դեպք՝ Կոտայքում. Եղվարդ-Աշտարակ ճանապարհին հրդեհ է բռնկվել Opel-ում

Այսօր՝ հունվարի 9-ին, արտակարգ դեպք է տեղի ունեցել Կոտայքի մարզում: Ժամը 09:00-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Եղվարդ-Աշտարակ ավտոճանապարհին՝ կամրջի հարևանությամբ, ավտոմեքենա է այրվում: 

Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել Եղվարդի թիվ 46 հրշեջ-փրկարարական ջոկատից 1 մարտական հաշվարկ: 

Պարզվել է, որ հրդեհ է բռնկվել Արագածոտնի մարզի բնակիչ 52-ամյա Գագիկ Հ.-ի վարած Opel Vectra մակնիշի ավտոմեքենայում: Մինչ հրշեջների ժամանումը, կրակի տարածման դեմ պայքարել է վարորդը: Այրվել է ավտոմեքենայի շարժիչի հատվածը՝ մասամբ: 

Ըստ նախնական տեղեկությունների, բարեբախտաբար, տուժածներ չկան: