Մարդակեր շնաձուկը ձկնորսի վրա է հարձակվել․ ի՞նչ է հայտնի

Մեքսիկայի Սոնորա նահանգում շնաձուկը սպանել է մի երիտասարդի, որը ծովային սանրիկ է հավաքելիս եղել։ Գրել է Mexico News Daily-ն։

22-ամյա ձկնորսը Կալիֆորնիայի ծոցի ափերի մոտ խեցեմորթ է փնտրելիս է եղել, երբ նրա վրա հարձակվել է գիշատիչ ձուկը։ Մեծ սպիտակ շնաձուկը, որը հայտնի է նաև որպես մարդակեր շնաձուկ, հարձակվել է երիտասարդի վրա և կծել նրա ձախ ոտքը։

Միջադեպին ականատես մյուս ձկնորսները տուժածին տարել են մոտակա նավամատույց: Չնայած ջանքերին՝ նրա կյանքը փրկել չի հաջողվել։ Տեղի իշխանությունների տվյալներով՝ երիտասարդը պարբերաբար զբաղվել է ազատ սուզմամբ։ Նրանք նշել են, որ նա մագնիսական ալիքներ արձակող ապարանջան չի կրել, որով կարող էր վախեցնել իր վրա հարձակված շնաձկանը։