Սերգեյ Շոյգուն հայտարարել է անօդաչու թռչող սարքերի սերիական շարք արտադրելու Ռուսաստանի պլանների մասին
ՄԻՋԱԶԳԱՅԻՆ
ՌԴ պաշտպանության նախարար Սերգեյ Շոյգուն ՌԴ զինված ուժերի ղեկավարության հետ կոնֆերանսի ժամանակ կիսվել է անօդաչու թռչող սարքերի սերիական գծի ստեղծման ծրագրերով, գրում է Коммерсант-ը։
Նրա խոսքով՝ Ռուսաստանը կշարունակի բանակն ու նավատորմը զինել ամենաժամանակակից զինատեսակներով, այդ թվում՝ հիմնված արհեստական ինտելեկտի տեխնոլոգիաների վրա։
«Մենք կավելացնենք ամենահայտնի նմուշների մատակարարումները։ Մասնավորապես, ձևավորել անօդաչու թռչող սարքերի սերիական գիծ՝ գերփոքրից մինչև ծանր հարձակողական»,- ասել է ՌԴ պաշտպանության նախարարը։
Նրա խոսքով՝ ՌԴ նախագահ Վլադիմիր Պուտինը գերատեսչությանը հանձնարարել է «ամենաբարձր մակարդակով պահպանել միջուկային եռյակի մարտական պատրաստվածությունը»։
«Գերագույն գլխավոր հրամանատարը մեր առջեւ դրել է մի շարք առաջնահերթ ու համակարգային խնդիրներ։ Առանցքայիններից մեկը միջուկային եռյակի մարտունակության ամենաբարձր մակարդակի պահպանումն է, որն ռազմավարական հավասարակշռություն է ապահովում աշխարհում»,- ասաց նա։
