Հութիները Կարմիր ծովում անօդաչուներով, բալիստիկ և հականավային հրթիռներով հարձակվել են ամերիկյան նավի վրա
ՄԻՋԱԶԳԱՅԻՆ
Եմենի «Անսար Ալլահ» ապստամբական շարժման հութիներն անօդաչու սարքերով, բալիստիկ և հականավային հրթիռներով հարձակվել են Իսրայելին աջակցող ամերիկյան նավի վրա։
Այս մասին հայտարարել է շարժման ռազմական ներկայացուցիչ Յահիա Սարիան:
Եմենի զինված ուժերի ռազմածովային ուժերը, հրթիռային ուժերը և անօդաչու ավիացիան համատեղ գործողություն են իրականացրել՝ օգտագործելով մեծ թվով անօդաչուներ, բալիստիկ և հականավային հրթիռներ՝ հարվածելով սիոնիստական կազմավերմանը (Իսրայել-Խմբ.) աջակցություն ցուցաբերող ամերիկյան նավին »,- ասել է «Անսար Ալլահ»-ի ներկայացուցիչը:
Հայտնի է, որ Եմենի հութիներն առաջին անգամ են Կարմիր ծովում հարձակվել ամերիկյան նավի վրա՝ ի պատասխան ԱՄՆ-ի կողմից դեկտեմբերի 31-ին իրենց ռազմածովային ուժերի վրա հարձակման:
