Հայտնի են The Best FIFA Football Awards 2023-ի հավակնորդները

Այսօր՝ հունվարի 15-ին Լոնդոնում տեղի կունենա The Best FIFA Football Awards 2023 մրցանակաբաշխությունը:

Երեք խաղացող ընդգրկվել է 2023 թվականի լավագույն ֆուտբոլիստի մրցանակի կարճ ցանկում։ Խոսքը «Ինտեր Մայամիի» և Արգենտինայի հավաքականի հարձակվող Լիոնել Մեսսիի, «Մանչեսթեր Սիթիի» հարձակվող Էրլինգ Հոլանդի և ֆրանսիական ՊՍԺ-ի խաղացող Կիլիան Մբապեի մասին է:

Լավագույն մարզչի կոչման համար կպայքարեն Խոսեպ Գվարդիոլան (Մանչեսթեր Սիթի), Սիմոնե Ինձագին (Ինտեր) և Լուչիանո Սպալետին (Նապոլի, Իտալիայի հավաքական)։

Տարվա լավագույն դարպասապահի մրցանակի հավակնորդների ցանկում են Յասին Բունուն (Սևիլիա, Ալ-Հիլալ), Տիբո Կուրտուան (Ռեալ Մադրիդ) և Էդերսոնը (Մանչեսթեր Սիթի):