Իրանն ու Ռուսաստանը խոշոր ռազմական պայմանագիր կկնքեն

Իրանի Իսլամական Հանրապետության պաշտպանության և զինված ուժերի աջակցության նախարար, բրիգադային գեներալ Մոհամմադ Աշտիանին և ՌԴ պաշտպանության նախարար, բանակի գեներալ Սերգեյ Շոյգուն հեռախոսազրույց են ունեցել երկկողմ ռազմական համագործակցության հարցերի շուրջ։ Պետությունները կկնքեն Մեծ միջպետական ​​պայմանագիր։ Այս մասին հայտնում է ՌԴ ՊՆ-ն։

«Կողմերը ընդգծել են իրենց հավատարմությունը ռուս-իրանական հարաբերությունների հիմնարար սկզբունքներին։ Դա կհաստատվի ստորագրման նախապատրաստվող՝ Մեծ միջպետական համաձայնագրում»,- հայտնում են գերատեսչությունից։

Այս փաստաթուղթը կներառի կետ երկու երկրների տարածքային ամբողջականության և նրանց ինքնիշխանության նկատմամբ հարգանքի մասին։