Փաշինյան. Հանձնարարել եմ օրենսդրական մակարդակով զինվորականներին արգելել խաղադրույքներ կատարել

Ոչ մարտական ​​պայմաններում զինծառայողների մահվան պատճառները խորքային  են, բայց մենք միջոցներ ենք ձեռնարկում։ Այս մասին հունվարի 17-ին խորհրդարանում կառավարության ժամին հայտարարել է  ՀՀ վարչապետ Նիկոլ Փաշինյանը։

«Ես հանձնարարել եմ հասնել նրան, որ  օրենսդրական մակարդակով զինծառայողներին արգելվի խաղադրույքներ անել։ Մենք պետք է ինստիտուցիոնալ որոշում կայացնենք»,- ասել է նա։

Փաշինյանը վստահեցրել է, որ Հայաստանում զինվորականներն այլևս ցածր աշխատավարձ չեն ստանում, նրանք բարձր աշխատավարձ են ստանում։

«Բանակում կան շարքայիններ, որոնք  ամսական   620 հազար դրամից ավելի են ստանում»,- հավելել է նա։