Իրանում ժամկետային զինծառայողը սպանել է 5 ծառայակցի

Իրանի հարավ-արևելյան Քերման նահանգում ժամկետային զինծառայողը հինգ ծառայակցի է սպանել զորանոցում, հայտնում է IRNA գործակալությունը:

Իրանի բանակի հարավարևելյան տարածաշրջանային շտաբի հրամանատար, բրիգադային գեներալ Ամիր Ղոլամալիանը հայտնել է, որ ժամկետային զինծառայողը կրակ է բացել  զինվորների վրա, այնուհետև դեպքի վայրից դիմել է փախուստի։

Ղոլամալիանի խոսքով՝ հետաքննություն է սկսվել՝ պարզելու հրաձգության դրդապատճառները:

Զինծառայողը ձերբակալվել է: