Բելգորոդում Իլ-76 ռազմական ինքնաթիռ է կործանվել

ՌԴ Բելգորոդի մարզում Իլ-76 ռազմական ինքնաթիռ է կործանվել։ ՌԴ պաշտպանության նախարարությունը չի մեկնաբանել այս տեղեկությունը։

Նահանգապետ Վյաչեսլավ Գլադկովը նույնպես իր Telegram ալիքում հայտնել է այս տարածքում տեղի ունեցած «միջադեպի» մասին։

«Միջադեպ Կորոչանսկի թաղամասում: Դեպքի վայրում այս պահին աշխատում են քննչական խումբը և ԱԻՆ աշխատակիցները։ Փոխեցի աշխատանքային գրաֆիկս ու մեկնեցի տարածք։ Բոլոր մանրամասները կհրապարակվեն ավելի ուշ»,- գրել է Բելգորոդի նահանգապետը։