ՏԵՍԱՆՅՈՒԹ. Հերթական առեղծվածային պայթյունը Ռուսաստանում
ՄԻՋԱԶԳԱՅԻՆՄեկ տղամարդ է տուժել Դոնի Ռոստովում պայթյունի հետևանքով, փոխանցում է «ՌԻԱ Նովոստի»-ն՝ հղում անելով տարածաշրջանի իրավապահ մարմինների աղբյուրին:
«Տղամարդը կասկածելի իր է հայտնաբերել ճանապարհին, որը տեղում պայթել է, նա զրկվել է մատներից, ինչպես նաև վնասվածք ստացել որովայնի հատվածում: Տղամարդը հոսպիտալացվել է»,- հայտնել է գործակալության զրուցակիցը:
Մեկ այլ աղբյուր նշում է, որ պայթյուն է որոտացել քաղաքի դպրոցներից մեկի մոտակայքում:
Դպրոցում պարապունքները դադարեցվել են, երեխաներին չեն թողնում մտնել շենք: ՔԿ տարածաշրջանային վարչության ղեկավարի ավագ օգնականը գործակալությանը հայտնել է, որ պայթյունի վայր են ժամանել քննիչներն ու քրեագետները:
