«Վրացական երազանք» կուսակցությունը հայտարարել է, որ երկրի նախագահը կապ չունի Փաշինյանի այցի հետ
ՔԱՂԱՔԱԿԱՆՈՒԹՅՈՒՆ
Իշխող «Վրացական երազանք» կուսակցության անդամ Միխայիլ Սարջվելաձեն պատասխանել է երկրի նախագահ Սալոմե Զուրաբիշվիլիի հայտարարությանը, որում նա ափսոսանք է հայտնել այն բանի համար, որ Վրաստանի նախագահը ծանուցված չէ բարձրաստիճան այցերի մասին, գրում է SOVA-ն։
Նախագահը համապատասխան հայտարարություն է տարածել սոցցանցերում՝ ՀՀ վարչապետ Նիկոլ Փաշինյանի երկիր այցից հետո։
Սարջվելաձեի խոսքով, Վրաստանի կառավարության հրաժարումը Սալոմե Զուրաբիշվիլիի հետ համագործակցելուց «տրամաբանականորեն հետևողական է» այն գործողությունների ֆոնին, որոնք, նրա կարծիքով, հանգեցրել են իմպիչմենտի գործընթացի մեկնարկին։
«Զուրաբիշվիլին գիտի, որ ինքը կապ չունի այս հանդիպման և այցի հետ։ Իրականում հաջողված այց էր, հանրությունն ականատես եղավ հաջող համագործակցության արդյունքներին, իսկ ես չգիտեմ։ Կարծում եմ, որ նա ասելիք չունի այս մասին…
Այնտեղ, որտեղ համագործակցության ֆորմալ անհրաժեշտություն չկա, այն կառավարությունը, որը ճանաչել է Զուրաբիշվիլիի գործունեությունը որպես իմպիչմենտի հիմք, շահագրգռվածություն չի ունենա…
Վերջին շրջանում պարզ դարձավ, որ նա արդեն ընդդիմադիր է։ Նա ընդդիմադիր է իր հռետորաբանությամբ, իր գործողություններով, իր քաղաքականությամբ»,- ասել է Սարջվելաձեն:
