Ակումբները 2023 թվականին ռեկորդային գումար են ծախսել նոր տրանսֆերների համար

Ակումբները 2023 թվականին տրանսֆերային վճարումների ռեկորդ են սահմանել, ասվում է ՖԻՖԱ-ի կայքում հրապարակված զեկույցում։

Ընդհանուր առմամբ, աշխարհի բոլոր ակումբները տրանսֆերների վրա ծախսել են 8,88 միլիարդ եվրո։ Այս գումարի ավելի քան 10 տոկոսը բաժին է հասել 2023 թվականի ամենաթանկարժեք 10 տրանսֆերներին։

2023 թվականին ֆուտբոլիստների տրանսֆեր են գնել 1024 ակումբ, իսկ վաճառել՝ 1241 ակումբ, ինչը նույնպես նոր ռեկորդ է։

Անգլիական ակումբներն ամենաշատն են ծախսել 2023 թվականին՝ 2,73 միլիարդ եվրո։ Ամենաշատը (1,1 մլրդ եվրո) վաստակել են գերմանական ակումբները։