Զախարովան կոչ է արել Արևմուտքին Ռուսաստանին չվերագրել ՆԱՏՕ-ի հետ պատերազմի մասին երևակայությունները

ՌԴ ԱԳՆ պաշտոնական ներկայացուցիչ Մարիա Զախարովան արևմտյան քաղաքական գործիչներին կոչ է արել Ռուսաստանին չվերագրել ՆԱՏՕ-ի հետ հնարավոր բախման մասին «անառողջ ֆանտազիաներ» և նման հայտարարություններ անելիս նշել, որ դա իրենց տեսակետն է։

«Եվս մեկ անգամ ուզում ենք հորդորել հավաքական Արևմուտքի երկրներին, առաջին հերթին՝ Եվրամիության երկրներին. եթե դուք միակողմանի կամ ՆԱՏՕ-ի միջոցառումների ժամանակ խոսում եք նման բաների մասին, ապա բարի եղեք, փորձեք ասել, որ սա է ձեր միտքը, տեսակետը և ձեր մտադրությունը: Բայց «Մեզ ոչ մի կերպ մի պարտադրեք այս գաղափարախոսությունը և ձեր անառողջ երևակայությունները մի վերագրեք մեր երկրին»,- ասել է ՌԴ ԱԳՆ պաշտոնական ներկայացուցիչը։

Նրա գնահատմամբ՝ նման հայտարարություններն անհրաժեշտ են միայն Կիևին օգնելու համար եվրոպական բյուջեներից գումարների դուրսբերումն արդարացնելու համար։ 

ՆԱՏՕ-ի Steadfast Defender զորավարժությունները կանցկացվեն փետրվարից մայիս Եվրոպայում։