Պատրաստ ենք ամեն կերպ աջակցել ԵԱՏՄ-ի հետ կապված Ձեր առաջարկների իրագործմանը. Միշուստինը՝ Փաշինյանին
ՏՆՏԵՍՈՒԹՅՈՒՆ
Մենք ուշադիր ուսումնասիրել ենք ԵԱՏՄ ինտեգրման հետագա զարգացման համար Ձեզ առաջարկած առաջնահերթությունները, դրանք ընդունելի են և մեծամասամբ համընկնում են Ռուսաստանի դիրքորոշման հետ. այս մասին Ալմաթիում Եվրասիական միջկառավարական խորհրդի նիստում հայտարարել է ՌԴ կառավարության ղեկավար Միխայիլ Միշուստինը՝ դիմելով ՀՀ վարչապետ Նիկոլ Փաշինյանին:
«Իհարկե, պատրաստ ենք ամեն կերպ աջակցել դրանց իրագործմանը»,-ասել է նա:
Նշենք, որ Փաշինյան իր բացման խոսքում ասել էր, որ ներկա փուլում ԵԱՏՄ-ի համար առաջնահերթ պետք է լինեն ոլորտային համագործակցության ամրապնդումը, նոր բիզնես կապերի ստեղծումը, անդրսահմանային առևտրի՝ թվային ծառայությունների և տվյալների փոխանակման կիրառմամբ կարգավորումը:
