Վրաստանը Ռուսաստանի հետ հակամարտության խաղաղ կարգավորման քաղաքականություն կվարի․ Վարչապետի թեկնածու Կոբախիձե

Վրաստանի իշխանությունները նախատեսում են շարունակել Ռուսաստանի Դաշնության հետ հարաբերությունների կարգավորման քաղաքական կուրսը։ Այդ մասին, ՏԱՍՍ-ի փոխանցմամբ, նշված է Վրաստանի վարչապետի թեկնածու Իրակլի Կոբախիձեի կողմից խորհրդարան ուղարկված կառավարության ծրագրում։

«Եվրաինտեգրմանը զուգահեռ՝ Վրաստանի գլխավոր խնդիրը մնում է երկրի տարածքային ամբողջականության վերականգնումը՝ խաղաղ ճանապարհով և երկրի ինքնիշխանության ամրապնդումը։ Վրաստանի իշխանությունները կշարունակեն վրաց-ռուսական հակամարտության խաղաղ կարգավորման քաղաքականություն վարել»,- նշված է փաստաթղթում։