Ադրբեջանը և Հայաստանը գուցե այս տարվա առաջին կիսամյակում խաղաղություն կնքեն․ փորձագետներ

Ադրբեջանը և Հայաստանը գուցե այս տարվա առաջին կիսամյակում խաղաղություն կնքեն: Այս մասին կարծիք են հայտնել Fitch Group ամերիկյան վարկանիշային ընկերության մաս կազմող Fitch Solutions վերլուծական կենտրոնի փորձագետները։

Ըստ նրանց՝ Ադրբեջանի և Հայաստանի միջև խաղաղության պայմանագիրը կարող է ստորագրվել արդեն 2024 թվականի առաջին կեսին։ «Շատ հավանական ենք համարում, որ համաձայնագիրը կներառի դրույթներ, որոնք ուժեղացնելու են Ադրբեջանի վերահսկողությունը «Զանգեզուրի միջանցքի» ստեղծման վրա, որը տանում է դեպի Նախիջևան էքսկլավ»,- նշված է զեկույցում:

Փորձագետների կարծիքով՝ 2023 թվականի սեպտեմբերին Արցախում ադրբեջանական «հաջող ռազմական գործողությունից հետո Ադրբեջանը կարճաժամկետ և միջնաժամկետ հեռանկարում ամրապնդել է իր տարածաշրջանային անվտանգությունը»։