Ռեալը պայմանագիր է կնքել ուկրաինացի 17-ամյա դարպասապահի հետ

«Ռեալը» հայտարարել է Իսպանիայի առաջնության երրորդ դիվիզիոնը ներկայացնող «Ռայո Մախադաոնդա» ակումբի դարպասապահ Իլյա Վոլոշինի տեղափոխության մասին։

17-ամյա ուկրաինացին պայմանագիր է կնքել մինչև 2026 թվականի հունիսի 30-ը։ Դարպասապահը կխաղա հինգերորդ դիվիզիոնում հանդես եկող «Ռեալ Մադրիդ C»-ում։

Հաղորդվում է, որ ֆուտբոլիստով հետաքրքրված էին «Բենֆիկան» և «Յուվենտուսը»:

Վոլոշինը, որի հասակը 202 սմ է, «Դնեպր-1» ակումբի սան է։ Նա Ուկրաինայի երիտասարդական հավաքականի կազմում անցկացրել է 1 հանդիպում։