Մանչեսթեր Սիթին Ֆոդենի հեթ-տրիկի շնորհիվ հաղթեց Բրենթֆորդին

Անգլիայի Պրեմիեր լիգայի 23-րդ տուրում «Բրենթֆորդն» ընդունել էր «Մանչեսթեր Սիթիին»։  Հանդիպումն ավարտվեց հյուրերի հաղթանակով՝ 3։1 հաշվով։

21-րդ րոպեին դաշտի տերերից հաշիվը բացեց Նիլ Մոպեն։ Առաջին կեսի վերջնամասում հաշիվը հավասարեցրեց Ֆիլ Ֆոդենը։ Անգլիացին երկրորդ կեսում ևս 2 գոլ խփեց՝ դառնալով հեթ-տրիկի հեղինակ։

«Մանչեսթեր Սիթին» 22 խաղից հետո 49 միավորով 2-րդ տեղում է։ Առաջին տեղում գտնվող «Լիվերպուլը» 23 խաղից հետո վաստակել է 51 միավոր։