Լեհաստանը Վրաստանի 15 քաղաքացի է արտաքսել

Լեհաստանի սահմանապահ ծառայությունը հայտնում է Վրաստանի 15 քաղաքացիների արտաքսման մասին, որոնցից երեքը «սպառնալիք էին ներկայացնում» պետական անվտանգությանը և հասարակական կարգին։ Այս մասին հայտնում է Լեհաստանի սահմանապահ ծառայությունը:

Չարտերային թռիչքով նրանք արտաքսվել են իրենց քաղաքացիության երկիրը, նշված է հաղորդագրության մեջ։

2023-ի հոկտեմբերին նմանատիպ գործողությամբ Լեհաստանը Վրաստանի 10 քաղաքացի էր արտաքսել։