Բանակցություններ են ընթանում Ռուսաստան-Հայաստան-Ադրբեջան-Իրան էներգետիկ կամրջի ստեղծման շուրջ. Իրանում ՌԴ դեսպան

Շահագրգիռ կողմերը բանակցում են Ռուսաստան-Անդրկովկաս-Իրան էներգետիկ կամրջի ստեղծման շուրջ։ Այս մասին հայտարարել է Իրանում ՌԴ դեսպան Ալեքսեյ Դեդովը, փոխանցում է РИА Новости-ն։

Դիվանագետը պարզաբանել է, որ դրա միջոցով էլեկտրաէներգիա կմատակարարվի երկու ուղղություններով։

«Մյուս նախագիծը, որը բանակցվում է, Ռուսաստան-Անդրկովկաս-Իրան էներգետիկ կամրջի ստեղծումն է»,- նշել է Դեդովը։

Նա նշել է, որ էլեկտրաէներգիայի փոխանակումն ու փոխադրումը տեղի կունենա Ռուսաստանի, Հայաստանի, Ադրբեջանի և Իրանի միջև։