Բանակին պարտադրում են էլ ավելի շատ խեղճացած լինել․ Սերժ Սարգսյան

Բանակին ամեն կերպ խեղճացնում են այնպես, որ վաղը զինվորը չկրակի, երբ Ադրբեջանը սկսի ճնշել։

Այս մասին դատարանի բակում լրագրողների հետ ճեպազրույցում ասաց 3-րդ նախագահ Սերժ Սարգսյանը։

Նրա խոսքով՝ ակնհայտ է, որ բանակին պարտադրում են էլի ավելի շատ խեղճացած լինել։

«Երբ թշնամու պահանջով դու շատ արագ խոստանում ես մի կրակոցի համար հետաքննություն անել և մեղավորին գտնել, վաղը, եթե ադրբեջանցիները հարձակվեն, մեր զինվորները կարող է չցանկանան պայքարել, որովհետև այդ  պայքարելու համար էլ կարող է հետաքննություն անցկացնեն»։

Անդրադառնալով հարցին՝ արդյոք նոր պատերազմ կլինի, Սարգսյանն ասաց․

«Պատերազմը լինում է կողմերի միջև, որը գոնե ինչ-որ չափով հնարավորություն կտա ռազմական երկար գործողությունների»։