ՀՀ ոստիկանությունը պարզաբանում է

Aravot.am-ում տեղ գտած՝ լրագրող Արփինե Սիմոնյանի հարապարակման կապակցությամբ հայտնում ենք, որ Գայանե Խաչատրյանին ժամանակին ոստիկանությունից պարզաբանվել է, որ իր նշած անձը որևէ առնչություն չունի ոստիկանության պետ Վլադիմիր Գասպարյանի հետ:

Սույն պարզաբանումը հիշեցնելով՝ հիշեցնենք նաև, որ ոստիկանությունում գործին ընթացք էր տրվել, իսկ այժմ այն ոստիկանության իրավասությունից դուրս է:

 

Ուստի, կոչ անելով չշահարկել պաշտոնյաների անունները սեփական խնդիրների շրջանակում, հորդորում ենք դրանք լուծել բացառապաես իրավական հարթության մեջ: Այս մասին հայտնում են Ոստիկանությունից:

 

Իսկ ինչ վերաբերում է լրագրող Արփինե Սիմոնյանին, ապա խորհուրդ ենք տալիս պահպանել լրագրողական բարեխղճության տարրական պահանջը և «մենք իրենցից ենք լսել», «իրենք հարևաններին են ասել» կարգի թեականությունները չտեղափոխել վերնագիր՝ ինքնահնար պնդումներով: Նման հնարքները առնվազն վկայում են կանխակալության ու մասնագիտական թերիմացության մասին: