38-ամյա Դիեգո Գոդինը վերսկսել է ֆուտբոլային կարիերան
ՍՊՈՐՏ
Մադրիդի «Ատլետիկոյի» և «Ինտերի» նախկին պաշտպան Դիեգո Գոդինը վերսկսել է ֆուտբոլային կարիերան, հայտնում է Ֆաբրիցիո Ռոմանոն։
Հաղորդվում է, որ 38-ամյա Գոդինը պայմանագիր է կնքել Ուրուգվայի տարածաշրջանային լիգայի սիրողական ակումբի՝ «Պորոնգոսի» հետ:
Հիշեցնենք, որ անցյալ ամառ Դիեգո Գոդինը հայտարարեց կարիերան ավարտելու մասին։
Վերջին ակումբը, որտեղ նա խաղացել է, եղել է արգենտինական «Վելես Սարսֆիլդը»։
