Ադրբեջանի ձեռք բերած սպառազինությունը տարածաշրջանը կայունացնելու համար չէ, առաջարկել ենք, որ սպառազինության վերահսկման մեխանիզմներ էլ ունենանք․ ԱԽՔ

Ադրբեջանի ձեռք բերած սպառազինությունը տարածաշրջանը կայունացնելու համար չէ։

Այս մասին լրագրողների հետ ճեպազրույցում հայտնեց Անվտանգության խորհրդի քարտուղար Արմեն Գրիգորյանը.

«Առաջարկել ենք, որ սպառազինության վերահսկման մեխանիզմներ էլ ունենանք, որովհետև սպառազինության վերահսկումը կարող է տարածաշրջանում կայունության և երկարատև խաղաղության հաստատման գործընթաց լինել»,- հավելեց նա՝ ընդգծելով, որ իրենք շարժվում են այս օրակարգում։