«Ցանկանում էին կեղծ մեղադրանք առաջադրել ինձ, ինչը չստացվեց»․ Սամվել Շահրամանյանի անվտանգության աշխատակիցն ազատ է արձակվել

Արցախի նախագահ Սամվել Շահրամանյանին հասարակական հիմունքներով անվտանգության հարցում աջակցություն ցուցաբերող Աշոտ Դանիելյանը ազատ է արձակվել։

«Աշոտ Դանիելյանին մեղադրանք չի առաջադրվել, նրա նկատմամբ քրեական հետապնդում հարուցելու որոշում չի կայացվել։ Այն արարքը, որի կատարման մեջ նա կասկածվում էր՝ թմրանյութեր պահելը, դրանք ապօրինի իրացնելը, չի հաստատվել»,- այդ մասին ֆեյսբուքյան ուղիղ եթերում հայտնեց Դանիելյանի փաստաբան Ռոման Երիցյանը։

Աշոտ Դանիելյնը ևս կարճ ուղերձ հղեց ուղիղ եթերից՝ շնորհակալություն հայտնելով բոլոր նրանց, ովքեր անհանգստանում էին իր ճակատագրով ու ովքեր ի սկզբանե գիտեին, որ իրեն առաջադրված մեղադրանքն անհիմն է։

«Ցանկանում էին կեղծ մեղադրանք առաջադրել ինձ, ինչը չստացվեց»,- ասաց Դանիելյանը։