Աշխատում ենք Ուկրաինան արագ ընդգրկել ՆԱՏՕ-ի կազմում․ ԱՄՆ պետքարտուղարություն

ԱՄՆ-ը ձգտում է Ուկրաինային հնարավորինս շուտ նախապատրաստել ՆԱՏՕ-ին անդամակցելուն։ Այս մասին արտասահմանյան լրագրողների համար ճեպազրույցում ասել է ԱՄՆ պետքարտուղարի Եվրոպայի եւ Եվրասիայի հարցերով օգնականի առաջին տեղակալ Յուրի Քիմը։

«ԱՄՆ նախագահ Ջո Բայդենը շատ հստակ ասել է, որ մենք տեսնում ենք Ուկրաինայի ապագան ՆԱՏՕ-ում։ Եվ մենք ՆԱՏՕ-ի բոլոր դաշնակիցների հետ միասին սերտորեն աշխատում ենք Ուկրաինայի հետ՝ ապահովելու, որ երկիրը հնարավորինս արագ պատրաստ լինի դրան»,- ասել է Քիմը: