Եթե Հայաստանը ՀՕՊ hրթիռների կարիքն ունենա, ապա դրանք ևս կտրամադրվեն. Ֆրանսիայի ԶՈւ նախարար

Շատ չխորանամ, թե ինչ սարքավորումներ են գալու Հայաստան, բայց բոլորն էլ պաշտպանական նշանակության են, որովհետև այս տարածաշրջանում առաջնահերթ է և՛ բնակչության, և՛ սահմանների պաշտպանվածությունը: Այս մասին Երևանում ՀՀ ՊՆ նախարարի հետ համետեղ ասուլիսում հայտնեց Ֆրանսիայի ԶՈւ նախարար Սեբաստիեն Լըկորնյուն։

««Բաստիոն» զրահամեքենաների խմբաքանակը ևս շուտով Հայաստանում կլինի։ եթե Հայաստանը կարճ, միջին և այլ հեռահարության ՀՕՊ հրթիռների կարիք ունենա, ապա դրանք ևս կտրամադրվեն Հայաստանին»,- նշեց նա։

Ֆրանսիայի ԶՈւ նախարարը նաև ասաց, որ որևէ մեկը չի կարող քննադատել Հայաստանի բանակին՝ իր պաշտպանության ունակություններն ուժեղացնելու համար։

Հիշեցնենք, որ Հայաստանի ՊՆ ղեկավարն և Ֆրանսիայի ԶՈւ նախարարը համագործակցության մասին նոր համաձայնագրեր են ստորագրել Երևանում։

Համաձայնագրեր են ստորագրվել նաև ֆրանսիական պաշտպանական կազմակերպությունների հետ։