ՔՊ խմբակցությունը ԱԺ-ում հանդիպել է ԲԴԽ նախագահ Կարեն Անդրեասյանի հետ. հայտնի է՝ ինչ են քննարկել

ՀՀ ԱԺ «Քաղաքացիական պայմանագիր» խմբակցությունը փետրվարի 23-ին Ազգային ժողովում հանդիպել է Բարձրագույն դատական խորհրդի նախագահ Կարեն Անդրեասյանի հետ:

ԱԺ-ից NEWS.am-ին հայտնում են, որ քննարկվել է դատական համակարգում իրականացվող բարեփոխումների ընթացքը:

Մտքեր են փոխանակվել դատական համակարգում առկա խնդիրների եւ դրանց լուծման համար անհրաժեշտ օրենսդրական փոփոխությունների շուրջ:

Երկուստեք կարեւորվել է դատական իշխանության անկախությունը եւ օրենսդիր իշխանության հետ արդյունավետ համագործակցությունը: