Պաղեստինի վարչապետը նախագահ Աբբասին է ներկայացրել կառավարության հրաժարականը

Պաղեստինի վարչապետ Մոհամմադ Շթայեհը հայտարարել է իր կառավարության հրաժարականի մասին՝ պատճառաբանելով Արևմտյան ափի օկուպացված տարածքներում բռնությունների աճը և Գազայի դեմ պատերազմը: Այս մասին հայտնում է aljazeera.com-ը:

«Հրաժարականի որոշումը կայացվել է Հորդանան գետի Արևմտյան ափին և Երուսաղեմում աննախադեպ էսկալացիայի և Գազայի հատվածում պատերազմի, ցեղասպանության և սովի լույսի ներքո», - ասել է Շթայեհը, որը երկուշաբթի հրաժարական է ներկայացրել Պաղեստինի ինքնավարության նախագահ Մահմուդ Աբբասին։ 

«Ես տեսնում եմ, որ հաջորդ փուլը և դրա մարտահրավերները պահանջում են նոր կառավարական և քաղաքական պայմանավորվածություններ, որոնք հաշվի կառնեն Գազայի նոր իրողությունը և պաղեստինյան կոնսենսուսի անհրաժեշտությունը՝ հիմնված պաղեստինյան միասնության և  Պաղեստինի տարածքում միասնական  իշխանության վրա», - հավելել է նա: