Կյանքից հեռացել է Ռոթշիլդների լոնդոնյան ճյուղի ամենատարեց ներկայացուցիչը՝ լորդ Ջեյքոբ Ռոթշիլդը

Մահացել է Ռոթշիլդների ընտանիքի լոնդոնյան ճյուղի ամենատարեց ներկայացուցիչը՝  լորդ Ջեյքոբ Ռոթշիլդը։ Նա 87 տարեկան էր։

Ինչպես գրում է Daily Mail-ը, ֆինանսիստն իր կարիերան սկսել է ընտանեկան բանկում (NM Rothschild & Sons) 1963 թվականին:

Այնուհետև նա 1980 թվականին սըր Մարկ Վայնբերգի հետ համատեղ հիմնադրել է J Rothschild Assurance Group-ը:

1992 թվականին Ջեյքոբ Ռոթշիլդը դարձել է այն ժամանակվա Հրեական գործերի ինստիտուտի նախագահ, որն այժմ հայտնի է որպես Հրեական քաղաքականության հետազոտությունների ինստիտուտ:

Ընտանիքը հայտնել է, որ նրան կհուղարկավորեն հրեական սովորության համաձայն՝ ընտանեկան փոքրիկ արարողությամբ։