Գուցե դո՞ւք գիտեք՝ ինչու է Ադրբեջանի նախագահը կարգադրել այս վանդալիզմը. Մարուքյանը դիմել է Միշելին, Բլինկենին, Բորելին, Մակրոնին և Շոլցին
ՔԱՂԱՔԱԿԱՆՈՒԹՅՈՒՆ
ՀՀ հատուկ հանձնարարություններով դեսպան Էդմոն Մարուքյանը X-ում հրապարակել է օկուպացված Արցախում ադրբեջանցի վանդալների կողմից հայկական գերեզմանատան պղծման կադրերը՝ հրավիրելով ԱՄՆ-ի և Եվրամիության ներկայացուցիչների ուշադրությունը:
«Ես դժվարանում եմ հասկանալ, թե ինչու է Ադրբեջանի նախագահը կարգադրել այս վանդալիզմը։ Գուցե դո՞ւք գիտեք Շառլ Միշել (Եվրոպական խորհրդի նախագահ), ԱՄՆ պետքարտուղար Էնթոնի Բլինկեն, Ժոզեպ Բորել (ԵՄ արտաքին դիվանագիտության ծառայության ղեկավար), Էմանուել Մակրոն (Ֆրանսիայի նախագահ), կանցլեր Շոլց (Գերմանիայի կանցլեր Օլաֆ Շոլց)»,- գրել է Մարուքյանը:
