Լիբանանցի հայտնի բլոգերը ղափամա է պատրաստել՝ կրելով հայկական տարազ

Լիբանանցի հայտնի շեֆ-խոհարար, բլոգեր Աբիր էլ Սագիրը համացանցում տեսանյութ է տեղադրել, որտեղ պատրաստում է հայկական ավանդական «Ղափամա» ուտեստը:

Սագիրը տեսահոլովակում նկարահանվել է հայկական ազգային տարազով, կադրից դուրս հնչում է նաև ղափամայի մասին հայկական երգը:

Բլոգերը հայտնի է աշխարհի ազգային խոհանոցների տարբեր ճաշատեսակների պատրաստման գործընթացը նկարահանելու ինքնատիպ եղանակով: Tik Tok սոցցանցում նա մոտ 23 մլն բաժանորդ ունի։

2023 թվականին Սագիրը մրցանակ է ստացել Joy Awards-ից՝ «Կանանց շրջանում սիրված մեդիա անձնավորություն» անվանակարգում։