Վթար՝ Արարատում․ բախվել են «Nissan Teana»-ն ու «Suzuki»-ն, վիրավորներ կան

Երեկ՝ փետրվարի 29-ին, ավտովթար է տեղի ունեցել Արարատի մարզում։ Ժամը 19։50-ի սահմաններում Դաշտավան գյուղի վարչական տարածքում բախվել են «Nissan Teana» և «Suzuki» մակնիշի ավտոմեքենաները։ Գրել է «Շամշյանը»։ 

Վթարի հետևանքով 4 հոգի տարբեր աստիճանի մարմնական վնասվածքներով տեղափոխվել են Մասիսի բժշկական  կենտրոն։

Վիրավորներին առաջինը օգնության են հասել քաղաքացիներն ու օպերատիվորեն ժամանած Մասիսի բժշկական կենտրոնի շտապօգնության բժիշկների հերթապահ խմբերը։ 

Բժիշկները վիրավորներին մինչև հիվանդանոց տեղափոխելը տեղում առաջին բուժօգնություն են ցուցաբերել։

Վթարի փաստով Մասիսի քննչական բաժնում նախաձեռնվել է քրեական վարույթ, որտեղ էլ պարզվում են վարորդների և վիրավորների ինքնությունը։

Ֆոտոլրագրողը հայտնում է, որ բախման հետևանքով 2 ավտոմեքենաները բախվել են բետոնե էլեկտրասյանը։