Քիլիան Մերֆին կարող է դառնալ հաջորդ Ջեյմս Բոնդը

Իռլանդացի դերասան Քիլիան Մերֆին կարող է դառնալ ամենահայտնի ֆիլմաշարերից մեկի՝ «Ջեյմս Բոնդ»-ի նոր գլխավոր դերակատարը:

Ինչպես նշում է Daily Mail-ը, 47-ամյա դերասանը «Օպենհայմեր» ֆիլմում իր խաղի շնորհիվ գրավել է գաղտնի գործակալի մասին ֆիլմաշարի ստեղծողների ուշադրությունը:

Նշվում է, որ «բոնդիանայի» պրոդյուսեր Բարբարա Բրոկոլին վերջին տարվա ընթացքում ուշադիր հետևել է Մերֆիին:

Այնուամենայնիվ, դեռ շատ ժամանակ կա վերջնական որոշում կայացնելու համար, քանի որ Բոնդի մասին 26-րդ ֆիլմի վրա աշխատանքը կսկսվի հաջորդ տարվա վերջին:

Նշենք, որ Բոնդի մասին վերջին ֆիլմը թողարկվել է 2021-ին. գործակալին մարմնավորել էր Դենիել Քրեյգը: