19-ամյա վարորդը մահացել է. մեքենայի մոտ ատրճանակներ են հայտնաբերվել

Մարտի 10-ի գիշերը, ժամը 2.20-ի սահմաններում, «Նիսան Տիդա» մակնիշի մեքենան Երևան-Արտաշատ ճանապարհին՝ Մասիս քաղաքի կամրջի մոտ, դուրս է եկել երթևեկելի գոտուց և բախվել կամրջի հենասյանը: Վարորդը՝ 19-ամյա Ռազմիկ Թորոսյանը, մահացել է:

Նախաձեռնված քրեական վարույթի շրջանակում կատարված զննությամբ «Նիսան Տիդանի» մոտ՝ գետնին ընկած, հայտնաբերվել են երկու օդամղիչ ատրճանակ, որոնցից մեկը՝ թմբուկավոր:

Կատարվում է նախաքննություն: