Ղազախստանը կավելացնի նավթի տարանցումը Ադրբեջանի տարածքով

Ղազախստանի և Ադրբեջանի նախագահների բանակցությունների արդյունքում ստորագրվել են մի շարք փաստաթղթեր, այդ թվում՝ նավթային ոլորտում, հայտնում են ադրբեջանական լրատվամիջոցները։

Մասնավորապես, համաձայնագիր է ստորագրվել Ադրբեջանի տարածքով «ԿազՄունայԳազ» ԲԲԸ-ի և Ադրբեջանի պետական նավթային ընկերության միջև ղազախական նավթի տարանցման ծավալների աստիճանական ավելացման մասին

Բացի այդ, կողմերի միջեւ ստորագրվել է ղազախական նավթի առքուվաճառքի ոլորտում ռազմավարական համագործակցության հուշագիր։