ՀԱՄԱՍ-ը համաձայնել է Գազայում կրակի դադարեցման ԱՄՆ նախաձեռնությանը

Պաղեստինյան ՀԱՄԱՍ շարժումը համաձայնել է Գազայում կրակի դադարեցման և տեղահանվածների աստիճանական վերադարձի վերաբերյալ ԱՄՆ նախաձեռնությանը։

Այս մասին հայտնում է Al Arabiya-ն՝ հղում կատարելով շարժման աղբյուրին, գրում է ՏԱՍՍ-ը։

Նշվում է, որ ԱՄՆ-ի առաջ քաշած նախաձեռնությունը նախատեսում է անկլավում ռազմական գործողությունների դադարեցում եւ տեղահանվածների աստիճանական վերադարձ։

Politico-ն ավելի վաղ գրել էր, որ ԱՄՆ նախագահ Ջո Բայդենը կարող է դիտարկել Իսրայելին ռազմական օգնությունը սահմանափակելու հարցը, եթե Թել Ավիվն ընդլայնի իր ցամաքային գործողությունը Գազայի հատվածում: