Պուտինն ու Ռաիսին քննարկել են Հարավային Կովկասում տեղի ունեցող «զգայուն» զարգացումները

Իրանի նախագահ Էբրահիմ Ռաիսին հեռախոսազրույց է ունեցել ՌԴ նախագահ Վլադիմիր Պուտինի հետ, հայտնում է Mehr գործակալությունը։

Երկու նախագահներն անդրադարձել են ընդհանուր տարածաշրջանային շահերին, այդ թվում՝ կովկասյան տարածաշրջանում։

Հարավային Կովկասի տարածաշրջանում տեղի ունեցող զարգացումները որակելով «զգայուն»՝ Ռաիսին ընդգծել է տարածաշրջանի կայունությունը և Իրանի ռազմավարական շահերը պահպանելու Իրանի Իսլամական Հանրապետության կամքն ու պատրաստակամությունը։