Մեքենան մխրճվել է դպրոցականների խմբի մեջ

Ճապոնիայի Նեյագավա քաղաքում ավտոմեքենան մխրճվել է դպրոցականների խմբի մեջ: Այս մասին գրում է ՌԻԱ Նովոստին՝ վկայակոչելով Կիոդո գործակալությունը:

Մեքենան վթարի է ենթարկվել, ինչի արդյունքում մի կողմ է շպրտվել եւ մխրճվել տարրական դասարանների աշակերտների խմբի մեջ: Երեխաներին ուղեկցող կինը ծանր վիճակում է, 4 դպրոցական թեթեւ վնասվածքներ է ստացել:

Ոստիկանությունը հետաքննում է պատահարի պատճառները: