«Կրոկուսի» ահաբեկչության համար կասկածվողի «Չայխանա» սրճարանը փակ է

«Չայխանա» սրճարանը, որի ենթադրյալ սեփականատեր Ալիշեր Կասիմովը ձերբակալվել է Crocus City Hall-ում տեղի ունեցած ահաբեկչության գործով, չի աշխատում։ Գրել է РИА Новости-ն։

Սրճարանը Պուտիլկովսկոյե մայրուղու վրա է։ Գործակալության տվյալներով՝ սրճարանի բոլոր դռները փակ են։ Փակման պատճառների, դրա հետագա աշխատանքային գրաֆիկի մասին տեղեկություններ չկան։

Մարտի 22-ի երեկոյան մի խումբ տղամարդիկ կրակ են բացել Crocus City Hall-ում և հրդեհել։ Մահացել է 139 մարդ։ Հաջորդ օրը ՌԴ անվտանգության դաշնային ծառայությունը ձերբակալել է 11 կասկածյալի, այդ թվում՝ չորս ենթադրյալ ահաբեկիչների։ Ալիշեր Կասիմովը դարձել է ահաբեկչության գործով ութերորդ մեղադրյալը։ Երեկ՝ մարտի 26-ին, դատարանը նրան կալանավորել է։ Քննիչների տվյալներով՝ տղամարդը բնակարանը վարձով է տվել ահաբեկիչներից մեկին՝ Ֆարիդունի Շամսութդինին։ Դատական ​​նիստում նա ասել է, որ տեղյակ չի եղել սպասվող հանցագործության մասին։