Ադրբեջանի նախագահը Բաքվում Թուրքիայի նախկին ԱԳ նախարարի հետ հանդիպմանը մեկնաբանել է Փաշինյան-Բլինքեն-Լայեն բանակցությունները:
Իլհամ Ալիևը պնդել է, թե իբր այդ շփումը վտանգի ևս մեկ աղբյուր է ստեղծում Հարավային Կովկասի համար և ուղղված է տարածաշրջանում գործակցության դեմ:
«Չնայած Եվրամիության և ԱՄՆ բարձրաստիճան պաշտոնյաների պնդումներին, որ բրյուսելյան հանդիպումն ուղղված չէ Ադրբեջանի դեմ, մենք գիտենք, որ դա հակասում է Ադրբեջանի հետ գործակցությանը»,- կարծիք է հայտնել Ալիևը:
Նրա խոսքով՝ բրյուսելյան հանդիպման նպատակը Ադրբեջանի մեկուսացումն է:
