Դիտարկել եմ Հյուսիս-Հարավ ճանապարհային միջանցքի Կարկաչանի կամրջի կառուցման շինարարական աշխատանքների ընթացքը. Սանոսյան

Երեկ դիտարկել եմ նաև Հյուսիս-Հարավ ճանապարհային միջանցքի ներդրումային ծրագիր Տրանշ 3 Թալին-Լանջիկ 18,7 կմ ընդհանուր երկարությամբ հատվածի, ինչպես նաև նույն հատվածում կառուցվող Կարկաչանի կամրջի կառուցման շինարարական աշխատանքների ընթացքը։ Այս մասին իր ֆեյբսուքյան էջում գրել է ՏԿԵ նախարար Գնել Սանոսյանը եւ լուսանկարներ հրապարակել:

«Շրջայցին մասնակցել է նաև Շիրակի մարզպետ Մուշեղ Մուրադյանը, համայնքապետեր և կապալառու կազմակերպության ներկայացուցիչներ։

Տեղում զեկուցվել է կատարվող աշխատանքների ընթացքը, բարդությունները։ 
Զրուցել եմ շինարարների հետ, տվել անհրաժեշտ հանձնարարականներ։

Նշված հատվածում այս պահին կատարվում է ասֆալտապատման աշխատանքներ։ 
Աշխատանքների ավարտը նախատեսված է այս տարվա ամռանը»։