Կկարողանա՞նք այնպես անել, որ մետրոյում սպասելու ժամանակը ցույց տա հետհաշվարկով․ Ավինյան

Առաջիկայում մետրոյում թվային ցուցատախտակի վրա կցուցադրվի մետրոյի ժամանմանը մնացած ժամանակը։ Համապատասխան հանձնարարականն այսօր Երևանի քաղաքապետարանի գործակարգավարական խորհրդակցության ժամանակ տվեց քաղաքապետ Տիգրան Ավինյանը։

«Մեր այս տրանսպորտային ռեֆորների շրջանակում կկարողանանք չէ՞ մետրոյում այնպես անել, որ մետրոյում ժամանակը ցույց տա հետհաշվարկով, այսինքն՝ թե մետրոն կայարան երբ է հասնելու», - նշեց Ավինյանը։

Արձագանքելով՝ Երևանի փոխքաղաքապետ Սուրեն Գրիգորյանը նշեց, որ եթե առկա տեխնիկայով չստացվի, ապա պետք է նորով խնդրի կատարումն ապահովվի։

«Եկեք խնդիրը դնենք ու ֆիքսենք, որ դա էլ պետք է լուծվի», - շեշտեց քաղաքապետը։