Այս պահին Ռուսաստանի հրետանային առավելությունը հինգ անգամ ավելի է, իսկ շուտով՝ կկրկնապատկվի

Ուկրաինայի հետ պատերազմում Ռուսաստանի հրետանային առավելությունը շուտով կհասնի 10:1-ի, ասել է Եվրոպայում ՆԱՏՕ-ի ուժերի հրամանատարը։

Ամերիկացի գեներալ Քրիստոֆեր Կավոլին, ով գլխավորում է Եվրոպայում ՆԱՏՕ-ի ռազմական խումբը, կարծում է, որ ռազմաճակատում Ռուսաստանի առավելությունը միայն կավելանա առանց Ուկրաինային Վաշինգտոնի աջակցության։

Կավոլին Ներկայացուցիչների պալատի Զինված ծառայությունների հանձնաժողովին ասել է, որ Ռուսաստանը ներկայումս արձակում է 5 հրանոթային արկ ուկրաինական յուրաքանչյուր արկի դիմաց, սակայն առաջիկա շաբաթների ընթացքում այդ հարաբերակցությունը կարող է աճել մինչև 10:1:

«Վտանգված շատ բան կա», - եզրափակեց Կավոլին:

Հիշեցնենք, որ Ուկրաինային ԱՄՆ ռազմական օգնության ծավալների ու բովանդակության վերաբերյալ վերջնական որոշում դեռ չի կայացվել: