Ադրբեջանական գերեվարությունից վերադարձած Արսեն Խոջոյանին կասկածում են աղջկա սպանության մեջ

Ադրբեջանում գերեվարված ու հետո հայրենիք վերադարձած Արսեն Խոջոյանին կասկածում են 17-ամյա աղջկա սպանության մեջ:

Ավելի վաղ հայտնի էր դարձել, որ հունիսի 24-ին ժամը մոտ 20:55-ին ահազանգ է ստացվել, որ Վերին Կարմրաղբյուր գյուղի մոտ ճամփեզրին արնաշաղախ մարմին է հայտնաբերվել: Ժամանած օպերատիվ աշխատակիցները պարզել են, որ կեցաղային խնդիրների հողի վրա ծագած վեճի հետեւանքով Արսեն Խոջոյանը ( 1991թ. ծնված) դանակով հարվածել է Աստղիկ Հանիսյանին (1999թ. ծնված): Աղջիկը ստացված վիրավորումներից զոհվել է:

Նշենք, որ խոսքը այն երիտասարդի մասին է, որը գերեվարվել էր Ադրբեջանի կողմից 2014-ի մարտի 7-ին, իսկ ազատ արձակվել ապրիլի 10-ին: Գերեվարությունից վերադառնալուց հետո նա բողոքում էր ֆիզիկական ու հոգեկան խնդիրներից: