Ռուսական բանակը պատրաստվում է հարձակման. Զելենսկին՝ Ստոլտենբերգին

Ակնհայտ է, որ Ուկրաինան լինելու է ՆԱՏՕ-ում, քանի որ առանց նրա անհնար է պատկերացնել Եվրոպայի անվտանգությունը. այս մասին հայտարարել է Ուկրաինայի նախագահ Վլադիմիր Զելենսկին՝ ՆԱՏՕ-ի գլխավոր քարտուղար Ենս Ստոլտենբերգի հետ համատեղ մամուլի ասուլիսում:

«Մենք ՆԱՏՕ-ի հետ դեմ առ դեմ ենք աշխատում», - ընդգծել է նա:

Զելեսնկին հավելել է, որ Ռուսաստանի զինված ուժերը փորձում են օգտվել իրավիճակից, երբ Կիևն օգնություն է սպասում գործընկերներից, հիմնականում՝ ԱՄՆ-ից:

«Ռուսական բանակը պատրաստվում է հարձակողական գործողությունների, և մենք միասին պետք է տապալենք նրա ծրագրերը», - նշել է նա:

ՆԱՏՕ-ի գլխավոր քարտուղար Ենս Ստոլտենբերգը չհայտարարված այցով գտնվում է Կիևում: