Տարեվերջին ունենալու ենք միասնական տոմսային համակարգ ու կանգառասրահներում տեսնելու ենք՝ ավտոբուսը քանի րոպեից կմոտենա. Ավինյան

Միասնական տոմսային համակարգը իրականացվում է համապատասխան գործընթացի արդյունքում «Telcell» ընկերության հետ կնքված պայմանագրի հիման վրա, հիմնական աշխատանքների ավարտի վերջնաժամկետ պայմանագրով ներկայացված է մինչև մայիսի 14-ը:

Այս մասին Երևանի ավագանու նիստի ժամանակ հայտնեց փոխքաղաքապետ Սուրեն Գրիգորյանը:

«Այսինքն մենք այս տարեվերջին ունենալու ենք միասնական տոմսային համակարգը, կանգառասրահներ ու 50 կանգառասրահներում արդեն իսկ տեսնելու ենք՝ ավտոբուսը քանի րոպեից է մոտենում: Ունենալու ենք նաև 171 նոր 8.5 մետրանոց ավտոբուսներ և 15 նոր տրոլեյբուս: Այս ավտոբուսների ու տրոլեյբուսների ներմուծումից և գծեր դուրս գալուց հետո նոր սկսելու է գործել տոմսային համակարգը»,- նշեց Երևանի քաղաքապետ Տիգրան Ավինյանը: